आमा अनी उनको महिमा: मातातिर्थ औशी ।

बैशाख ११ गते आज बिहीवार । आज मातातिर्थ औशी , आमाको मुख हेर्ने दिन । हुन त् आमा सधैं बिशेष हुन्छिन , आमाको लागी यो दिन उ दिन भन्ने नै हुँदैन । तर पनि अझ बिशेष सम्झिने दिनको रुपमा आमा खुवाउने औशीको रुपमा मानाइने हुँदा आजको दिन उसै पनि खास हुने नै भयो । बिहान उठेर ४० मिनेटको योगा पछी यसो बजार पुगियो सुरक्षित हुँदै । घर आएर आमालाई भान्छामा सहयोग गर्न हामी दाजुभाईहरु पुग्यौ । अनी काम सकिएपछी आमाको मुख हेरियो , माया अनी श्रद्दा र आदर ठुलो कुरा हो । एउटी आमाको भूमिका घर देखी भबिश्य सम्म अनबरत रहेको हुन्छ । माया अनी ममतामा नथाक्ने एउटा जग हो आमा । अनी आमा पढेकी हुन अनपढ तर संसारको सबैभन्दा अमुल्य शिक्षा आमा बाटै प्राप्त हुन्छ । सबै आमाहरुमा सत शत नमन मेरो ।
आज लकडाउनको ३१ औ दिन पनि । यो लेख्दा सम्म मेरो देशमा ४५ जना बिरामी पुगेका छन । यो संख्या कती पुग्छ वा कहाँ पुगेर  रोकिन्छ यो थाहा छैन । सरकारले आफ्नो  प्रयास चाँही जारी राखेको छ । राजनीतिक रुपमा हुने खिचातानी मेरो देशमा आजपनी देखिन्छ जबकी देश मात्रै हैन बिश्वनै अहिले महामारीबाट ब्यप्त छ । नेपालको राजनीति कहिले सङ्लो हुन सकेन , सधैं धमिलो अनी सधै अस्थिर । राजनीतिले समग्र देशको भबिस्यलाई डोर्याईरहेको हुन्छ । तर बिडम्बना जुन जोगी आएपनी कानै चिरेका भन्ने नेपाली उखान त्यसै बनाईेएको भने हैन । यहाँ मनलाग्दी फोहोरी राजनीति हुन्छ यो सबै जनतालाई थाहा छ , अनी हाललाई गर्न सकिने चाँही केही पनि हैन । कठै मेरो देश , भन्न मन लाग्छ । यता मेरा स्टाफहरुको पिडा अब बुझ्नुपर्ने भएको  छ मैले, रासन सकियो भनेर  फोन गर्छन् , स्टाफ पालेपछी उनिहरु अफ्ठेरोमा हेर्नु मेरो दायित्व हो । तर न हिढ्न पाईन्छ अनी न बैक खुल्ला छ अनी एक महिनाको लकडाउनले अब न खल्तीमा पैसा नै छ । हेरुम गर्न सकिन्छ के । 

Posted by : Mero Blog 1:12 AM

Subscribe by Email

Follow Updates Articles from This Blog via Email