यात्रा ९ बर्षको : शाहाकारी जिबन नै ठीक ।

धेरै भनुम या थोरै समय , मासु जन्य कुरा खान्न भनेर शाहाकारी बनेको पनि ८ पुरा भएर ९ बर्ष लागेछ । कस्तो भोजन  रोज्ने वा के खाने र के नखाने यो ब्यक्तिगत बिचार  र इक्षा हो , यसमा कसैको हस्तक्षेप हुन सक्दैन । मैले मासु छोड्छु भन्ने द्रिढ बिचार  र चाहना राखे , सफल भए । म अली काटमार , हत्याहिँसालाई हेर्न नसक्ने मान्छे , कता कता पहिला देखिनै मासु ठीक हैन भन्ने भावना आईरहेकै हुन्थ्यो मनमा । तर पनि समय लाग्यो छोड्न , आखिर छोडन सफल पनि भए । यो त बाहिरी कुरा भए , तर एउटा कुरा चाँही सत्य हो , साकाहारी भएपछी धेरै सकारात्मक सोच अनी मानसिकता चाँही आउने रहेछ । अरुको ज्यान र शरीर खाने मानिस कसरी सर्बश्रेष्ठ हुन सक्छ ? निरिह पशुहरुको आसु , अनी आन्द्राभुडी खाएर हामी आफुलाई मै हुँ भन्ने भ्रम  पालिरहेका छौ । खाना खादा वा भोज भत्तेरमा जादा सानो रौ भेट्दा वा कुनै फोहोर भेट्दा कती छि छि र दुरदुर गर्छ त्यही मान्छे तर पशुको आन्द्राभुडी , जिब्रो , कान सबै खादा उ आफुलाई मानिस ठानिरहेको  हुन्छ । मलाई यो सब गलत लाग्यो , मैले छोडे । यो भन्दा  लामो नभनुम । फेरी अर्कै अर्थ लाग्ला । समग्रमा म मासु खान्न , म तेस्रो प्रकारको साहाकारीमा पर्छु । म स्वस्थ छु , ज्यान नि ठीक छ , अनी बिहान बिहान ४० मिनेट योगा गर्छु सधैं । मलाई साकाहारी जिबन नै उत्तम लाग्छ । अब बाँकी हरेकको आफ्नो इक्षामा भर पर्ने कुरा भयो । मासु नै नखादा पनि हामी हास्न सक्छौ , बाँच्न सक्छौ अनी अझ श्वस्थ बन्न सक्छौ । जय साकाहारी ।  
यहाँ छोटो तथ्यलाइ राख्न चाहे यसै वरपर रहेर : 

यी फाइदा

स्वास्थ्य
शाकाहारी खानामा रोगसँग लड्ने शक्ति हुन्छ । तरकारीमा भिटामिन, एन्टिअक्सिडेन्ट, एमिनो एसिडजस्ता आवश्यक तत्व पाइन्छन् । साथै, प्रोटिन, कार्बोहाइड्रेड, फाइबर, क्यालोरीजस्ता हाम्रो शरीरका लागि अत्यावश्यक तत्व पनि शाकाहारी खानेकुरामा पाइन्छ । शुद्ध शाकाहारी भोजन गर्ने व्यक्तिलाई मुटुरोग, पेट तथा फोक्सोको क्यान्सर हुने सम्भावना कम हुन्छ । यससँगै शाकाहारी भोजन गर्ने महिलामा स्तन क्यान्सर हुँदैन ।
 पर्यावरण
शाकाहार स्वास्थ्यका लागि मात्र नभई पर्यावरणका लागिसमेत राम्रो मानिन्छ । मासु उत्पादनका लागि करिब पाँचदेखि पाँच हजार लिटरसम्म पानी खपत भइरहेको हुन्छ । अझ यसैकारण सहरी क्षेत्रमा पानीको अभाव बढिरहेको छ, जहाँ मासुको खपत पनि बढी हुने गर्दछ । यसरी माछा–मासुको अत्यधिक प्रयोगले अप्रत्यक्ष रूपमा पर्यावरणमा असर पु¥याइरहेको छ । मासुका लागि जथाभावी धेरै पालिएका जनावर पानी–प्रदूषण, वनविनाश, भूक्षयको कारण बनिरहेका छन् । यदि धेरै मानिस शाकाहारी बन्ने हो भने केही मात्रामा वातावरण प्रदूषित हुनबाट बचाउन सकिन्छ ।
 मौसम परिवर्तन
पछिल्लो समय ग्लोबल वार्मिङ तीव्र गतिमा बढिरहेको छ । जसको मुख्य कारण मानिसको जीवनशैली हो । ओजन तहलाई असर पार्ने क्लोरोफ्लोरो कार्बनको स्रोत दूध र मासुका लागि पालिएका पशुपक्षीलाई मानिएको छ । मासु उत्पादनका क्रममा उत्पादित ग्यास मौसम परिवर्तनको कारण बनिरहेका छन् । मासुजन्य उत्पादन मात्रै रोकिएमा करिब आधा प्रतिशत खतरनाक ग्यास उत्पादन घट्न सक्छ ।
 शान्ति
दार्शनिक लियो टोस्टेओका अनुसार शाकाहारवाद नै मानवतावादको पहिलो तपस्या हो । मासु उत्पादनका लागि जीवजन्तुको हत्या गर्नुपर्ने हुन्छ । यसको परिणाम समाजमा हिंसात्मक भावना फैलिने डर हुन्छ । मांसाहारी बन्नु खानासँग मात्रै नभएर धर्म, संस्कृति, अध्यात्मसँग पनि जोडिएको हुन्छ । हिन्दू धर्ममा समेत मांसाहारी बन्नुलाई नराम्रो भनिएको छ । तसर्थ, शाकाहारी बन्नु आफू, आफू बसेको समाज, धर्म–संस्कृति र पर्यावरणका लागि उपयोगी छ ।

Posted by : Mero Blog 4:30 AM

Subscribe by Email

Follow Updates Articles from This Blog via Email