बिकल्प यहीबाट सुरु हुन्छ : स्वतन्त्र राष्ट्रिय अभियान नेपाल ।

By : Pramod k. Poudel :

नेताको परिकल्पना गरिरहँदा, वर्तमान राजनीतिमा लागेका अनुहारहरु सलबलाएर आउँछन् । अहिलेका नेताहरुको विगत सबैलाई थाह छ । वर्तमान सबैले देखिरहेकै विषय हो । देखिएको विगत र अहिलेको वर्तमान अवस्थाको तुलना गर्नासाथ नेताहरुप्रति हरेक नागरिकहरुको पहिलो शब्द नै गालीबाट शुरु हुन्छ । यहीनेर चुकेका छन् नेपालका नेताहरु । विगतमा जे बोले, त्यो गरेनन । विगतमा जस्ता थिए, अब त्यो रहेनन् । नागरिकले जे विश्वास गरेको थियो, त्यो पाएन । पहिलेको र अहिलेको जीवनशैलीमा आकाश र जमिनको फरक देखिन थाल्यो ।

बिकल्प यहीबाट सुरु हुन्छ :   

नेपाली राजनीतिमा अपराधीकरण मौलाउँदै गएको धेरै भयो  । नेताहरुले राजनीतिलाई सेवाको रुपमा नलिई पेसाको रुपमा बुझेर काम गर्ने गरेकोले राजनीति दुषित हुँदै गइरहेको जगजाहेर छ । राजनीतिज्ञले स्वच्छ राजनीति गर्नुपर्नेमा  प्रशासन, न्यायलयलाई सत्ता र शक्तिको बलमा दबाब वा प्रभावमा पार्नु नियती बनेको छ र सत्य पनि हो।  हुन त नेपालको राजनीतिमा अराजकता, विकृती, विसंगती र अपराधहरु हिजो पनि नभएका होइनन् । आज यी घटना घट्नुभन्दा बढी भइरहनु झन् दुःखद कुरा हो ।

....................................................................................................................................................................

आज हामी राजनीतिक रुपमा व्यवस्था र परिवर्तनको हिसाबले धेरै अगाडी बढिसकेका हुनुपर्ने थियो  । हिजोको राज्य व्यवस्थाले हत्या, हिंसा, अपराध, शोषण, दमन, अन्याय अत्याचारलाई प्रश्रय दियो भनेर आन्दोलन गरी व्यवस्था परिवर्तन गर्ने राजनीतिक दलका नेताहरु नै अपराधमा मिस्सिन थालेका छन् । व्यवस्था परिवर्तन भयो, समय परिवर्तन भयो तर मान्छेको मानसिकता परिवर्तन हुन सकेको छैन । राजनीतिक दल र यसमा आवद्ध मान्छेहरु नै अपराधमा संलग्न हुनु अथवा त्यस्तो कार्यलाई बढवा दिनुले राजनीतिप्रति आम मान्छेको धारणा नकारात्मक बन्न थालेको छ । राजनीतिमा दिनप्रतिदिन अपराध मिसिन थालेपछि राज्यसंयन्त्र नै कमजोर भएको अथवा प्रश्रय नै दिइरहेको हो कि भन्ने प्रश्न उठ्न थालेको छ । राजनीतिमा अपराध जेलिनुको कारण राजनीतिज्ञ नै हो ।

देशमा लोकतन्त्र आयो । गणतन्त्र आयो । नयाँ संविधान पनि बन्यो । संघीय मुलकु बन्यो । आजको दिनमा देशमा तीन तहको सरकार छ । अभिव्यक्ति स्वतन्त्रता छ । बिकासका राम्रा जुनसुकै काम गर्न बन्देज छैन । यति हुनको निम्ति देशमा निकै लामो समयसम्म ठुलो राजनीतिक लडाइँ भयो । संघर्ष भयो । तर जनताले अपेक्षा गरे अनुरुपको नयाँ नेपाल निर्माण हुन नसकेको प्राय सबैको गुनासो  रहदैँ आएको छ । नेताहरु धेरै जन्मिएका छन् । स्थानीय तहदेखि, प्रदेश र संघीय सरकार सम्म धेरै जनप्रतिनिधी निर्वाचित भएर जिम्मेवारी सम्हालीरहेका छन् । निर्वाचनको क्रममा निर्वाचन जित्नको निम्ति आर्थिक चलखेल देखि आतंक मच्चाउने र अपराध घटाउने सम्मको गतिविधि भइरहेका छन् । मानवता हराउँदै गइरहेको छ । जसरी हुन्छ सत्ता र शक्तिमा पुग्नुपर्छ भन्ने मानसिकता सबै नेता र राजनीतिक दलहरुमा विकास हुँदै गइरहेको छ । यसले गर्दा अपराधले प्रश्रय पाइरहेको छ जुन  गलत राजनीतिक संस्कारका कारण अपराध मौलाउँदै गएको बुझ्न गार्हो छैन ।  सत्ता र शक्तिको आडमा राजनीतिज्ञहरु भयमुक्त हुनुले राजनीतिमा अपराधको श्रृङखला बढिरहेको हो । 

राजनीतिक दलहरुले सुरुवाती अभ्यास नै जसरी पनि जित्ने र त्यसको निम्ति जुनकुनै हत्कन्डा अपनाउने गरेका कारण पछिल्लो पुस्ता पनि त्यस्तै मनोविज्ञानबाट ग्रसित छन् । हत्या, हिंसा, आतंक, बलात्कार, मानव बेचविखन जस्ता घटनाहरुमा राजनीतिक दलका नेताहरु नै मुछिने गरेका छन् । अपराधमा त सबै मुछिन्छन् नै तर गाउँ समाज र राष्ट्रकै नेतृत्व गर्ने बौद्धिक तहका मान्छे नै यस्ता घटनामा मुछिनुले विश्वमाझ नेपालीलाई बदनाम गराइरहेको छ । ठुला मान्छेहरुको अपराध प्रशासन, कानुन, सत्ता र शक्तिको आडमा दबिइरहेका छन् भने पिडितहरु झनै शोषित दमित भइरहेका छन् । न्याय पाएका छैनन् । राजनीति स्वच्छ नभएसम्म अपराध नघट्ने निस्चित छ्  । राजनीतिले प्रशासन र न्यायलयलाई हस्तक्षेप गर्नु अहिले नेपाली राजनीतिको नियती बनेको छ। 

...................................................................................................................................................................

राजनीतिले अपराध नियन्त्रण गर्नुपर्छ । अपराध नियन्त्रण गर्न बनेका कानुन, नियमहरुलाई कडाइका साथ कार्यान्वयन गराउन पनि राज्य संयन्त्र तथा राजनीतिक दलहरु लाग्नुपर्छ । राजनीतिमा मौलाउँदो अपराधिकरणलाई घटाइ स्वच्छ, पवित्र र जनपक्षिय बनाउनुपर्छ । कानुनको परिपालना पनि सानालाई ऐन, ठुलालाई चैन बनाउनु हुँदैन । कानुनको नजरमा सबै बराबरी हुनुपर्छ । राजनीतिलाई संस्कारयुक्त बनाउनुपर्छ । अब यि माथीका सबै पक्षलाई केलाएर हेर्ने हो भने नेपाली राजनीतिबाट सिर्फ गन्ध मात्रै आउछ । हामीले २००७ साल देखी २०७७ सालसम्म हेरेको हैन ? पर्खेको हैन ? 

पक्कै हो । अनी यो ७० बर्षमा नेपालले राजनीति अनी  नेताबाट के पायो ? भएका ठुला ठुला उद्योग ध्वस्त बनाईेए । नेता मोटाए अनी उनैका  कार्यकर्ताहरु  मोटाए । बाकी देश उस्तै रह्यो , अझ रुग्ण हुँदै गयो ।

स्वतन्त्र राष्ट्रिय अभियान नेपालको नेत्रित्व मात्रै यि सबै समस्याको समाधान हो ,हामी बनाउछौ । किनकी दुषित जरा नउखेले सम्म बिकास सम्भब छैन। जरानै कुहिएपछी राम्रो फलको आस गर्नु नै नेपाली जनताको ठुलो भुल भयो । अब त्यो भुल कुनै हालतमा हुँदैन , गर्नु हुँदैन , हुँदै हुँदैन । जनताको मनमा स्वतन्त्र रास्ट्रिय अभियान नेपालको छ्बी सुरु देखिनै सफा , दाग रहित बनाउनु पर्छ । केन्द्र , प्रदेश , जिल्ला , गाउसम्मका नेत्रित्वले यही कुरा मनन गर्नु पर्छ । नत्र अन्य दल वा सिदान्त जस्तै हाम्रो अभियान पनि थला पर्ने छ, जनताको नजरमा उही दुषित पार्टीहरुकै हाराहारीमा उभिने छ , जुना कुनै हालतमा स्विकार्य छैन । हामीले न्युनतम सिद्दान्तबाट उठेर अभियानलाई आममानिसको  मन मस्तिस्कमा पुर्‍याउनु नै हाम्रो जित हुनेछ । तसर्थ हाम्रो अभियान (  incnepal) को मर्म , भाबना र सिद्दान्तलाई आजै देखी हामीले भोलिका लागि सोचेर हाम्रो अभियानलाई अघी बढाऔ , पक्कै जित सम्भब छ । जय नेपाल ।         

 

Posted by : Mero Blog 7:48 PM

Subscribe by Email

Follow Updates Articles from This Blog via Email